A l’escasença de la presentacion dau libre postum de Joan-Pèire Belmon, avèm rescontrat lei responsables d’aqueste projècte emai l’anciana colaboratritz de television dau jornalista, Liza Pannetier.  Titolat  » A la première personne « , aquel obratge escrich per Joan-Pèire Belmon raconta son percors d’animator de Radio France Bleu Vaucluse, mai tanben seis diverseis òbras a Vaquí e seis luchas militantas. Un momenton clafit d’emocions que permetèt ai pròches de Joan-Pèire de faire coneissença amb un libre intime e universau. Tanben, nòstra emission omenatge vos fai descubrir la concepcion dau libre paregut en junh de 2018. Un reportatge de Miquèu Gravier. Graphie …

En Avinhon, la Setmana provençala es organizada per d’associacions divèrsas qu’an per tòca comuna la promocion de la lenga e de la cultura d’òc. Avèm filmat la sortida sus l’iscla de la Bartelaça prepausada per Provença Tèrra d’Òc. Au cap d’aquela animacion, Guilhem Vaton, ancian calandron e ornitològ. Es environat d’un trentenat de personas que lo jovent menèt lo percors, a la recèrca d’aucèus migrators e autrei acostumats de l’iscla. Una polida tantossada que lei locutors e lei non-occitanofònes se mesclèron e seguiguèron ambé plaser lei piadas d’un ornitològ aüros de partejar en lenga nòstra lei noms deis aucèus. Un …

Au Grau dau Rei, vilatge de pescaires venguda estacion balneària, avèm rescontrat de sòcis de Siloé. Es una associacion especializada dins la sauvagarda e lo manten dau patrimòni maritime. Prepausa dins seis atalhièrs divèrs chantiers d’insercion e d’accion sociala. Un projècte bèu que dura despuèi 1984. Siloé nos mena amb ela en mar e nos presenta de batèus que faguèron l’objècte de restauracion. De demostracions de manòbras dins un batèu « vela latina » nos permeton de descubrir l’organizacion e la solidaritat d’una chorma investida. Un reportatge d’Amada Cròs. https://www.youtube.com/watch?v=fbuGeL0F-Ig Graphie classique Graphie Mistralienne Traduction Note Information Graphie classique Graphie …

Entre la prima e l’automne, lo Festenau «Les Troubadours chantent l’art roman » se debana cada an despuèi 2006 en region Occitanie e mai en Catalonha. Lo principe es la ligason entre leis edificis religiós e leis artistas que meton a l’onor de musicas de Mediterranèa. E mai se, de còps que i a, coma a Banhòus de Cese dins nòstre reportatge, lei concèrts se pòdon debanar dins de salas modèrnas. D’entrevistas e d’imatges de la serada dau 28 de setembre vos donaràn un apercebut d’aqueu festenau particularament estacat a nòstra cultura. Un reportatge d’Amada Cròs. https://www.youtube.com/watch?v=q5JOPu60n4o Graphie classique Graphie …

Joan-Francés Tisnèr es un multi-instrumentista pron implantat dins lo mitan musicau occitan (e mai). A l’escasença d’un sejorn a’ Gen, avèm rescontrat Joan-Francés Tisnèr e Francés Dumeaux. Nos parlan de sa darrièra creacion, EBTè ! , un espectacle conceptuau que jòga sus lei sòns, lei mòts, lei bruchs, ambé d’univèrs aluenchats que se son mesclats lo temps d’un balèti. Descubrètz lei sòrgas d’inspiracion e leis imatges deis experimentacions d’un projècte originau, innovant, estonant e estrambordant. Un reportatge d’Amada Cròs https://www.youtube.com/watch?v=1XHByv1dLY4 Graphie classique Graphie Mistralienne Traduction Note Information Graphie classique Graphie Mistralienne Traduction Note Information

Avèm l’oportunitat de nos exportar e de vos menar dins la vila d’Agen. Partirèm sus lei piadas dau poèta Jacme Boèr, mai conegut sota lo nom de Jansemin, dins una visita de la vila ambé Gèli Grande. Veirètz tanben leis imatges de la remesa dei prèmis dau « Jansemin d’Argent », concors poetic nascut en 1921, qu’integra una categoria occitana ; acompanhadas d’una entrevista de Jaume Carbonèl, qu’es aquest an laureat dau prèmi de « la vila d’Agen ». Un reportatge d’Amada Cròs. https://www.youtube.com/watch?v=o6tqMbSDEoo Graphie classique Graphie Mistralienne Traduction Note Information Graphie classique Graphie Mistralienne Traduction Note Information

Un autre projècte pedagogic, aqueste còp a Clarensac. Leis escolans de cors mejan e de seisena collaborèron amb lo grop Garric. Veirètz la restitucion dau projècte sota la fòrma d’un cònte musicau, a prepaus d’Azalaïs de Portiranhas, au fogau de Clarensac. L’espectacle fuguèt seguit d’un moment de danças ambé leis autrei classas de l’escòla, qu’assistissián a la pèça. Un reportatge de Lisa Gròs. https://www.youtube.com/watch?v=UCYlWRO0QV8 Graphie classique Graphie Mistralienne Traduction Note Information Graphie classique Graphie Mistralienne Traduction Note Information

Lo 2nd Forum euroregionau, organizat per lo Cirdoc e la region Occitanie, se debanèt en Mai passat au Pònt de Gard. Aquela manifestacion grandassa recampèt leis actors culturaus de divèrsas regions, dei País d’Òc ais Illes Balears. Lo tèma d’aquest an èra « Culturas popularas en dialòg ». Vos presentam la festejada dins una revista amb lei totems e castells, puèi una virada dei talhiers e animacions sus lo site emblematic roman. Un reportatge de Lisa Gròs. https://www.youtube.com/watch?v=6NmAnVeiZn4 Graphie classique Graphie Mistralienne Traduction Note Information Graphie classique Graphie Mistralienne Traduction Note Information

Cada an, au licèu de l’Arc en Aurenja, d’escolans de 1èra de l’opcion occitan participan a un projècte pedagogic. Bailejats per lei professors de lenga e dança Matieu Poitavin e Elena Berti, presentèron La Sartan, sason 1 en Mai passat. Aquela corta pèça es una adaptacion contemporanèa d’una òbra de l’autor locau Pau Marquion. Descubrètz lei tròç de la comèdia revisitada, entrecopats d’entrevistas dei professors e de liceans. Un reportatge d’Amada Cròs. Définition du mot Sartan par Frédéric Mistral (in Lou Tresor dóu Felibrige). Sartan Castagniero, poêle percée de trous, dont on se sert pour faire rôtir les chataignes ; …

Passam Ròse per vos menar au còr de Provença, entre Aupilhas, Camarga e Estanh de Berre. La Crau es una plana aluviala cubèrta de codolets laissat per Durança. Es un territòri que sonam cossóls, dau fach de son caractèr estepic, amb una èrba rasa que noirís lei fedas. Una fauna importanta es tanben observada aquí. Dins lo reportatge, descubrissètz l’ecò-musèu de la Crau e leis imatges rodats en exterior d’un espaci fragile que nos fau aparar totjorn mai. Un reportatge d’Amada Cròs. https://www.youtube.com/watch?v=7oZfUYX_oVM Graphie classique Graphie Mistralienne Traduction Note Information Graphie classique Graphie Mistralienne Traduction Note Information