Festejar la fin de la sason 2025/26, l’Institut d’Estudis Occitans dei Bocas dau Ròse

Adessiatz de l’IEO 13 e sei simpatizants,

Per festejar la fin de la sason 2025/26, l’Institut d’Estudis Occitans dei Bocas dau Ròse, leis associacions Etcaetera e l’Aurelha Quasi Perfiecha vos convidan a un après-miegjorn musicau, dissabte 20 de junh a partir de 14h30 a l’Ostau de Provença, au Pargue Jourdan d’Ais de Provença.

Aquel eveniment, moment de musica e de convivéncia, serà animat tant per leis escolans d’aqueleis associacions coma de seis invitats.

La tòca dau programa es de prepausar un viatge a l’entorn dei musicas tradicionalas d’aicí e d’ailà.

Lo vaquí:

14h30-15h30: Guinguette Orchestra (orquèstra d’acordeons sus d’aires de dançar e de cantar);

15h45-17h15: Balèti animat per leis atalhiers d’acordeon de l’IEO13, d’Ais Balèti e de l’Aurelha Quasi Perfiècha;

17h30-18h30: Cants Polifonics amb « Li Galò-Pastre » (còr d’òmes, en occitan e lengas vesinas).

A partir de 18h30: aperitiu partejat e scèna dubèrta.

La manifestacion es entierament a gratis, dubèrta a totei e necessita pas de reservacion.