Laus de Provènça es un cort tèxte inedit que Robèrt Lafont a escrich en 2007 quand siguèt laureat dau quaranta-seten Grand Prèmi Literari de Provença decernit despuei 1961 per l’Associacion Culturala Provençala de Ventabren. 

Son estat de santat li permetèt pas d’èstre present a la ceremoniá de remessa dau prèmi, e siguèt lo poèta e escrivan Sèrgi Bec, membre de la jurada, que lo legissèt à l’assisténcia. Luenh d’èstre un tèxte de circonstància, Laus de Provença s’acontènta pas d’enaurar lo relarg que l’a vist nàisser dins l’incontestabla provençalitat de Nimes. Es tanben, vengut dei darniers mes de son existéncia, una recapitulacion de son itinerari regardat despuei ce que la Provença a significat per sa persona e per son òbra.    

Per marcar coma se deu lo centenari de sa naissença lo CEP D’ÒC vèn d’editar aqueu tèxte en libre audiò.