Las escòlas Calandreta an 40 ans d’existéncia! Aqueste film es l’escasença de se remembrar de las debutas eroïcas, de tornar visitar l’ensemble de la filièra de la mairala fins al licèu e de pausar los enjòcs per l’avenidor, lo d’un engatjament totjorn fòrt per l’occitan, lo plurilingüisma associat a una pedagogia inovanta pel benaise dels joves e de la comunautat educativa tota, regents, parents.